Հավաքականում խաղալն ամբողջովին այլ զգացողություն է. Ռումյան Հովսեփյան

Հայտնի է, որ ֆուտբոլի Հայաստանի ազգային հավաքականն այս օրերին, Բեռնար Շալանդի գլխավորությամբ, ուսումնամարզական հավաք է անցկացնում Ավանի ակադեմիայում:  Yerkir.am-ի թղթակիցը զրույց ունեցավ հավաքականի նորեկ, «Բանանց»-ի 23-ամյա կիսապաշտպան  Ռումյան Հովսեփյանի հետ:

-Ավարտվեց ֆուտբոլի Հայաստանի 22-րդ առաջնությունը: Ինչպե՞ս կգնահատես մրցաշրջանը քեզ համար:

-«Բանանց»-ի կազմում մրցաշրջանի առաջին հատվածն ավելի հաջող էր ինձ համար, քան 2-րդը: Բայց ամեն դեպքում առաջնությունը հաջող էր այնքանով, որ կարողացանք դառնալ չեմպիոն:

-Սպասու՞մ էիր, որ հրավեր կստանաս հավաքականից:

-Շատ մեծ ցանկություն ունեի հանդես գալու հավաքականում, բայց չէի սպասում, որ հրավեր կստանամ: Ինձ համար մեծ անակնկալ էր:

-Առաջին մարզումներն արդեն անցկացրել ես ազգային հավաքականի հետ: Ի՞նչ տպավորություններ ունես:

-Ամեն ինչ շատ լավ է: Մարզումներն ընթանում են ուրախ և ջերմ մթնոլորտում: Մարզիչը լավն է՝ թե՛ որպես մարզիչ, թե՛ որպես մարդ: Նա պրոֆեսիոնալ է բոլոր առումներով:

-Մինչ ազգային հավաքական հրավիրվելը հանդես ես եկել նաև մինչև 17տարեկանների հավաքականում: Ի՞նչ զգացողություններ ունես:

 -Հավաքականում հանդես գալն անմբողջովին այլ զգացում է: Ոչ մի ակումբ չի կարող համեմատվել ազգային հավաքականի հետ: Մենք ազգ ենք ներկայացնում և կրում մեծ պատասխանատվություն` բարձր պահել ազգի պատիվը:

-Ըստ քեզ` ի՞նչը առիթ հանդիսացավ, որ հայտնվեցիր հավաքականի մարզչի ուշադրության կենտրոնում:

-Մեկ բան կարող էր պատճառ հանդիսանալ: Դա իմ խաղն է:ԵթԵ չկարողանամ արդյուանավետությունը բարձրացնել և լավ հանդես գալ, ապա դուրս կմնամ ազգային ընտրանուց:

-Ու՞մ կառանձնացնեիր առաջիկա մրցակիցներից:

 -Բոլորի հետ էլ դժվար է լինելու, ունեն ուժեղ ֆուտբոլիստներ, սակայն նրանցից կառանձնացնեմ Գերմանիային:

Երվանդ ՀԱԿՈԲՅԱՆ