ՏԵՍԱՆՅՈՒԹ. Ուիսքոնսինում ձնագնդիկ խաղալն արդեն օրինական է

ԱՄՆ Ուիսքոնսին նահանգում 1962 թվականից ի վեր արգելված է ձնագնդիկներով միմյանց հարվածելով խաղը։ Նահանգի Ուաուսաու քաղաքում այն արգելվել էր մարդկանց ծանր վնասվածքներ հասցվելու պառճառով. ըստ Yerkir.am-ի՝ հայտնում է The Guardian-ը:

Քաղաքի ոստիկանական բաժանմունքի պետ Թոդ Բիթընը հայտարարություն է տարածել այն մասին, որ 2017 թվականից ժողովուրդը բողոքում է այդ օրենքի դեմ և պահանջում վերացնել այն։ Ոստիկանապետը հայտնել է նաև, որ հաջորդ ամսվանից այդ օրենքը կվերացվի։

Ավելի վաղ ոստիկան Բիթընը և Ուաուսաուի քաղաքապետը տեսանյութ էին հրապարակել, որում երկուսով ձնագնդիկ էին խաղում, ինչը ազդակ է դարձել նման որոշում կայացնելու համար։