Տարիներ առաջ հավաքականում այլ հոգեբանություն էր, հիմա՝ այլ

Հայաստանի հավաքականի և իրանական «Սանաթ Նավթ» ակումբի պաշտպան Վալերի Ալեքսանյանն ասել է, որ ներկայումս հավաքականը կենտրոնացած է միայն Մակեդոնիայի հետ խաղի վրա, իսկ Իռլանդիայի հավաքականի մասին կմտածեն միայն հոկտեմբերի 7-ից հետո:

«Եթե մի քանի տարի առաջ` մինչ խաղը մտածում էինք, որ հաղթելու ենք, ապա հիմա վստահ ենք դրանում: Մակեդոնիայի և Իռալանդիայի հավաքականները  շատ լավ են պատրաստված և կարող են լուրջ դիմադրություն ցույց տալ, բայց, ինչպես արդեն նշեցի, հաղթելու ենք...»,- iFootball.am-ի հետ զրույցում նշեց 27-ամյա պաշտպանը: 

Հարկ է նշել, որ Վալերին վերջերս է հայտնվել Վարդան Մինասյանի ուշադրության կենտրոնում և վերջին երկու հանդիպումներում աչքի է ընկնել գրագետ պաշտպանական գործողություններով: