Սարկոզին առաջարկել է Ֆրանսիայի և Գերմանիայի միջև տնտեսական գոտի ստեղծել

Լճացման մեջ գտնվող ԵՄ-ն բարեփոխելու համար անհրաժեշտ է ստեղծել ֆրանս-գերմանական միասնական տնտեսական գոտի. կարծիք է հայտնել Ֆրանսիայի նախկին նախագահ Նիկոլա Սարկոզին. հայտնում է Газета.Ru-ն:

«Նման որոշումը մեզ հնարավորություն կտա պաշտպանելու մեր շահերը Գերմանիայի հետ մրցակցության պայմաններում և վերացնելու հարկային ոլորտում ու սոցիալական քաղաքականության մեջ առկա թերությունները, ինչպես նաև առաջատար դառնալու արժույթի միության երկրների շրջանում»,- ասել է նա:

Սարկոզին նաև առաջարկել է Շենգեն-1 համաձայնագիրը փոխարինել Շենգեն-2 համաձայնագրով, որին հնարավոր կլինի միանալ միայն ներգաղթային դեմպինգի խստացման պայմանով, որի շնորհիվ Եվրոպա ժամանող ներգաղթյալներն իրենց համար բնակության «ամենահարմար» վայրն են ընտրում։