կարևոր
3025 դիտում, 4 ամիս առաջ - 2024-03-18 19:25
Աշխարհ

Ռուսաստանը կարող է «սանիտարական գոտի» ստեղծել Ուկրաինայում. Պուտին

Ռուսաստանը կարող է «սանիտարական գոտի» ստեղծել Ուկրաինայում. Պուտին

Ռուսաստանը, հաշվի առնելով Ուկրաինայի զինված ուժերի հարձակումները Բելգորոդի շրջանի վրա, ինչ-որ պահի կարող է «սանիտարական գոտի» ստեղծել հարակից տարածքներում։ Այս մասին հայտարարել է ՌԴ նախագահ Վլադիմիր Պուտինը, փոխանցում է ՏԱՍՍ-ը։

«Ես պատրաստ չեմ հիմա խոսել այն մասին, թե ինչ, ինչպես և երբ պետք է միավորենք։ Բայց ես չեմ բացառում, որ, նկատի ունենալով այսօր տեղի ունեցող ողբերգական իրադարձությունները, մենք ստիպված կլինենք ինչ-որ պահի, երբ նպատակահարմար համարենք, ստեղծել որոշակի «սանիտարական գոտի» այսօրվա Կիևի ռեժիմին ենթակա տարածքներում։ Ստեղծել անվտանգության գոտի, որը բավականին դժվար կլինի հաղթահարել՝ օգտագործելով այն միջոցները, որոնք հակառակորդն օգտագործում է, առաջին հերթին, իհարկե, արտասահմանյան արտադրության զենքերը»,- ընդգծել է նա։

Պուտինը չի հստակեցրել, թե որքան կարող է լինել «սանիտարական գոտու» խորությունը։ «Սա առանձին հարց է»,- ասել է նա՝ ի պատասխան համապատասխան հարցման։

Ավելի ուշ ՌԴ նախագահի մամուլի քարտուղար Դմիտրի Պեսկովը բացատրել է, որ «Ուկրաինայի հետ սահմանին բուֆերային կամ սանիտարական գոտի է անհրաժեշտ, որպեսզի թշնամին չկարողանա հարձակվել ռուսական թիրախների վրա»։