Ռուսաստանն առաջարկել է ստեղծել համատեղ հանձնաժողով Հայաստանի և Ադրբեջանի միջև սահմանը զատելու համար. Լավրով

Ռուսաստանն առաջարկել է ստեղծել համատեղ հանձնաժողով Ադրբեջանի և Հայաստանի սահմանը զատելու համար: Ըստ ՏԱՍՍ-ի՝ այս մասին Ռուսաստանի արտգործնախարար Սերգեյ Լավրովն ասել է Տաջիկստանի արտաքին գործերի նախարար Սիրոջիդդին Մուխրիդինի հետ մամուլի ասուլիսում:

«Մենք մանրամասնորեն տեղեկացրել ենք մեր ընկերներին այն ջանքերի մասին, որոնք Ռուսաստանը ձեռնարկում է՝ լուծելու համար միջադեպը, որն առաջացել է պետական սահմանի միջազգային իրավական գրանցման բացակայության պատճառով: Կողմերի հետ նախնական համաձայնությամբ՝ Ռուսաստանի Դաշնությունն առաջարկել է աջակցել սահմանագծմանը, սահմանազատմանը՝ սկզբում՝ հանդես գալով հայ-ադրբեջանական համատեղ հանձնաժողով ստեղծելու նախաձեռնությամբ, որին Ռուսաստանի Դաշնությունը կարող է մասնակցել որպես խորհրդատու և միջնորդ»,- ասել է Լավրովը: