Ոստիկանությունը ուսումնասիրելու է «Թանգարանային գիշեր»-ում վանդալիզմի գործողության տեսագրությունը

Մոսկվայի ոստիկանությունը ուսումնասիրում է տեսանյութը, որն արձանագրել է, թե ինչպես է ոմն մեկը ներկի միջոցով փչացնում ցուցադրված կտավը: Այս մասին հաղորդում է  ТАСС-ը:

Ավելի վաղ հայտնի էր դարձել, որ Մոսկվայի  Artplay  թանգարանում «Թանգարանային գիշեր» միջոցառման ժամանակ անհայտ անձը փչացրել է ցուցադրության նմուշներից մեկը` կանաչ ներկով խզբզելով կտավը: Ոստիկանության աշխատակիցները փնտրում են նրան: Դեռևս չի հաղորդվում, թե ցուցադրության որ նմուշն է տուժել վանդալիզմի հետևանքով:

 Artplay թանգարանում հիմա ընթանում է «Մոնեից մինչև Մալեվիչ» ցուցադրությունը, որում ցուցադրված են Մոնեի, Ռուսսոյի, Մոդիլիանիի, Բան Գոգի, Ռենուարի, Մալեվիչի կտավները: