«Մենք արժանի չենք այս արդյունքին». Տիգրանակերտում երիտասարդները նոր ընտրություն են պահանջում

Ներկայիս Թուրքիայի տարածքում գտնվող հայկական Տիգրանակերտ (ներկայումս՝ քրդաբնակ Դիարբեքիր) քաղաքում երիտասարդները զարմացած են խորհրդարանական ընտրությունների արդյունքներից:

Ըստ BBC-ի թուրքական ծառայության՝ երիտասարդները համարում են, որ իրենք արժանի չեն այդ արդյունքներին:

«Իրականում Ժողովուրդների դեմոկրատական կուսակցությունն ահագին ձայն է  հավաքել, չենք հասկանում... Նախորդ ընտրությունների արդյունքի համար «Արդարություն և զարգացում» կուսակցությունը դժգոհություն հայտնեց, ըստ մեզ՝ այս անգամ էլ ԺԴԿ-ն պետք է դժգոհություն հայտնի: Մենք արժանի չենք այս արդյունքին»,- ասել են նրանք:

Ի դեպ, երեկ ընտրությունների արդյունքի հայտարարումից անմիջապես հետո Տիգրանակերտում բախումներ էին եղել ոստիկանության և ցուցարարների միջև: Ոստիկանությունն արցունքաբեր գազ էր կիրառել: