ԲՀԿ-ական պատգամավորը վայր է դրել մանդատը

ԱԺ ԲՀԿ խմբակցության պատգամավոր Գրիգոր Գրիգորյանը /Շերիֆ/ վայր է դրել իր պատգամավորական մանդատը: Այս մասին Yerkir.am-ի հետ զրույցում ասաց ԱԺ ԲՀԿ խմբակցության քարտուղար Նաիրա Զոհրաբյանը:

Հիշեցնենք, որ Գրիգոր Գրիգորյանը երեք ամիս առաջ նաև հրաժարվել էր ԱԺ պաշտպանության, ազգային անվտանգության և ներքին գործերի մշտական հանձնաժողովի փոխնախագահի պաշտոնից:

Նաիրա Զոհրաբյանը նշեց, որ Գրիգոր Գրիգորյանն առողջական խնդիրների պատճառով է վայր դրել պատգամավորական մանդատը, քանի որ տևական բուժման նպատակով պետք է մեկնի արտերկիր: Նա դժվարացավ պատասխանել, թե ԲՀԿ խմբակցությունում ով է փոխարինելու Գրիգորյանին, սակայն չբացառեց, որ կարող է փոխարինել Տիգրան Պետրոսյանը: