Գոնե մեզ համար հստակ է մեր խմբակցության անելիքը. Աղվան Վարդանյանը՝ ԱԺ նախագահի ընտրության մասին

Այսօր ԱԺ եռօրյայում կազմակերպվելու է ԱԺ նախագահի թեկնածու Գալուստ Սահակյանին ընտրելու փակ, գաղտնի քվեարկությունը: Այդ կապակցությամբ բոլոր խմբակցությունները քննարկում են հրավիրել` որոշելու համար իրենց դիրքորոշումը:

Լրագրողների հետ զրույցում ԱԺ ՀՅԴ խմբակցության քարտուղար Աղվան Վարդանյանն ասաց, որ Դաշնակցությունն արդեն ունի իր դիրքորոշումը, որի մասին կհայտարարի խմբակցության ղեկավարը:

«Դեռ 4 խմբակցություններով չենք հավաքվել, կարծում եմ` քվեարկությունից առաջ կհավաքվենք: Եթե հնարավոր լինի ձևավորել միասնական տեսակետ, կլինի միասական տեսակետ, եթե չի լինի, յուրաքանչյուրը կքվեարկի` նախապես հայտարարված իր դիրքորոշման համաձայն: Գոնե մեզ համար հստակ է մեր խմբակցության անելիքը: Քվեակությունից առաջ խմբակցության ղեկավարը մեր դիրքորոշումը կհայտարարի, չեմ ուզում ժամանակից առաջ ընկնել»,- ասաց Աղվան Վարդանյանը: