Գոնե հիմա արձագանք պետք է լինի միջազգային հանրությունից` ուղիղ և հստակ. Շարմազանովը` Ադրբեջանի ապակառուցողական վարքագծի մասին

Այսօր տեղի ունեցավ ՀՀԿ ԳՄ նիստը, որի ավարտից հետո ՀՀԿ խոսնակ Էդուարդ Շարմազանովը պատասխանեց լրագրողների հարցերին: Լրագրողները խնդրեցին մեկնաբանել երեք օր առաջ Ժնևում Սարգսյան-Ալիև հանդիպման ժամանակ Սերժ Սարգսյանի խոսքերը, որ միջոցներ կձեռնարկվեն  լարվածությունն էլ ավելի թուլացնելու համար, որպեսզի առաջնագծում չունենանք զոհեր, մինչդեռ այսօր Արցախում հակառակորդի կրակոցից զինվոր է մահացել:

«Մեկ ուղղում, լարվածության թուլացման մասին միայն ՀՀ նախագահը չի ասել, այլ այդ մասին համատեղ հայտարարություն է ընդունվել Ժնևում, որտեղ և համանախագահ երկրները, և Հաաստանն ու Ադրբեջանը խաղաղ կարգավորման անհրաժեշտությունն են ֆիքսել: Դժբախտաբար արդեն այսօր, այդ կրակոցով Ադրբեջանը ցույց տվեց իր գործի և խոսքի անհամապատասխանությունը, որ չի հարգում իր կողմից ստանձնած միջազգային պարտավորությունները»,- ասաց Շարմազանովը:

ՀՀԿ խոսնակը նշեց, որ Ադրբեջանը իր կրակոցներով պատրաստ չէ կառուցողական բանակցությունների: «Գոնե հիմա արձագանք պետք է լինի միջազգային հանրությունից` ուղիղ և հստակ»,- ասաց նա: