150 մարդ անցյալ նոյեմբերից անհետ կորել է Ուկրաինայում

Նոյեմբերից 150 մարդ անհետ կորել է, 121-ը` սպանվել. ըստ «Իտառ-Տասս»-ի` հայտարարել Ամերիկայում, Եվրոպայում և Կենտրոնական Ասիայում ՄԱԿ-ի մարդու իրավունքների հարցերով գլխավոր հանձնակատարի վարչության ներկայացուցչության ղեկավար Ջանի Մագազենին՝ ներկայացնելով ՄԱԿ-ի դիտորդների կողմից Ուկրաինայում մարդու իրավունքների իրադրության վերաբերյալ պատրաստած զեկույցը:

Մագազենին ասել է նաև, որ իրենք մայիսի 15-ին կհրապարակեն ևս մեկ զեկույց, որում կպատմեն անհետ կորածների գործերով բացահայտումների մասին:

Բացի այդ` նոր զեկույցը կարող է բացահայտել, թե ովքեր են դիպուկահարներին հրամայել կրակել մարդկանց վրա փետրվարյան անկարգությունների ժամանակ: Հիմա հայտնի է, որ Կիևում անկարգությունների ընթացքում զոհվել է 121 մարդ: