Տղամարդիկ պատրաստ չեն հայրությանը

Որոշ տղամարդկանց համար ծանր բեռ է դառնում հայրությունը: Հոր պարտականություններ կատարելու անհրաժեշտությունը բարոյապես ճնշում է նրանց: Նման եզրակացության են եկել ամերիկացի հետազոտողները:

Pediatrics գիտական ամսագրում հրապարակված հոդվածի համաձայն՝ 23-33 տարեկան ավելի քան 10 000 տղամարդկանց մասնակցությամբ հետազոտության ժամանակ, ըստ թեստերի արդյունքների, հետազոտողները պարզել են, որ երիտասարդ հայրերը հայրության առաջին 5 տարիների ընթացքում 68%-ով ավելի շատ են տառապում դեպրեսիայով, քան մնացած տղամարդիկ: Գիտնականները կարծում են, որ դա տեղի է ունենում այն պատճառով, որ տղամարդիկ բարոյապես պատրաստ չեն հայրությանը: