Արգելվում են խմելը, խոսելը եւ տղամարդիկ

Ակումբում անցկացրած երեկոն աերոբիկայի լավագույն տարբերակն է: Մարդը թռվռում է, քրտնում, լավ զգացողություններ ունի. դա ակումբի դրական կողմն է: Նման գաղափար է դրվել Dance Dance Party Party պարապմունքների հիմքում, որոնք անցկացվում են Նյու Յորքի, Չիկագոյի, Տորոնտոյի, Օստինի, Վանկուվերի, Լոնդոնի ակումբներում` բացառապես կանանց համար. տեղեկացնում է Doctors.am-ը:

90 րոպե տևողությամբ այս պարապմունքներն անցկացվում են մթության մեջ: Դրանք հարմար են նրանց համար, ովքեր չեն սիրում, երբ մարզիչներն իրենց կարգադրություններ են անում, բայց ուզում են լիցքաթափվել: Այստեղ գործում են հետևյալ կանոնները. չի կարելի խմել, խոսել, արգելվում է տղամարդկանց մուտքը: Կանայք պետք է ազատ լինեն ու շարժվեն երաժշտության տակ` այրելով կալորիաներ:

«Պարերը կարող են լինել աերոբիկայի շատ լավ ձև: Դրանք նաև շատ դրական զգացողություններ են պարգևում` լավացնելով հոգեկան առողջությունը»,- մեկնաբանում է Անաս էլ Թուրաբին` Քեմբրիջի համալսարանի մասնագետը: