«Թանգարանային գիշերը»` մայիսի 17-ին

Այս տարի, Ֆրանսիայի մշակույթի նախարարության նախաձեռնությամբ, Թանգարանների միջազգային խորհրդի (ԻԿՕՄ) հովանու ներքո կազմակերպվող «Թանգարանային գիշեր» ամենամյա միջազգային միջոցառումը տեղի կունենա մայիսի 17-ին:

Հայաստանը նույնպես` արդեն տասներորդ անգամ կմիանա ամենամյա միջոցառմանը: Ամեն տարի այն կազմակերպվում է թանգարանների միջազգային օրվան՝ մայիսի 18-ին նախորդող շաբաթ օրը: Այդ օրը հանրապետության բոլոր թանգարանները կբացեն իրենց դռները այցելուների առջև եւ կիրականացնեն տարատեսակ միջոցառումներ:

«Թանգարանային գիշերն» այս տարի կունենա «Թանգարանային հավաքածուների միջոցով են ստեղծվում կապերը» խորագիրը: