Եվրոպացի «ֆեյսբուքցիները» փող կունենան

Financial Times-ը հայտնում է, որ շուտով, միայն եվրոպացի օգտատերերի համար Facebook սոցիալական ցանցը կթողարկի էլեկտրոնային փողեր: Այս ծառայության շնորհիվ օգտատերերը կարող են գումարներ պահել և էլեկտրոնային փոխանցումներ անել:

Ծրագիրը ներմուծելու համար Facebook-ը խնդրագիր է ուղարկել Իռլանդիայի ֆինանսական կարգավորողին, քանի որ ընկերության գլխավոր գրասենյակը գտնվում է Իռլանդիայում:

Այժմ այս առաջարկությունը քննարկման փուլում է: Այն քննարկվում է լոնդոնյան երեք համապատասխան ընկերությունների հետ, որոնք զբաղված են` համացանցի և բջջային ծառայությունների միջոցով միջազգային դրամական փոխանցումներ իրականացնելով: