Ապրում ենք Շվեյցարիայում` հանցագործություն չկա, բայց դատախազությունն ընկել է մեր հետևից

Արդեն տեղեկացրել ենք, որ Մատենադարանի մոտ մեկնարկել է «Դեմ եմ» նախաձեռնության` պարտադիր կուտակային կենսաթոշակային համակարգի դեմ բողոքի հերթական ակցիան:

«Դեմ եմ» թիմի անդամ Լևոն Հարությունյանը, հավաքվածներին դիմելով, ասաց, որ աննախադեպ դեպք եղավ ՍԴ-ում` առաջին անգամ որոշում կայացվեց ժողովրդի օգտին:

«Վերևները 10 տարի առաջ մարդիկ էին բերել, որ այդ օրենքը մշակեն, իսկ ՍԴ-ն, փափուկ ասած, հերն անիծեց այդ օրենքի: Ցանկացած նորմալ մարդ ամոթից կմեռներ սրանից հետո: Հիմա ի՞նչ են ուզում անել, հիմա ուզում են ռեկետ անել, քանի որ իրենց ուզածով են մեկնաբանում ՍԴ որոշումը»,- ասաց Հարությունյանը:

Ըստ նրա` մենք հանգիստ խղճով կարող ենք ասել, որ ապրում ենք Շվեյցարիայում, քանի որ հանցագործություն չկա, բայց դատախազությունը մեր հետևից է ընկել: «Բոլորս գնալու ենք ԱԺ-ի մոտ, որ մեր օգտին քվեարկեն»,- ասաց նախաձեռնության անդամը: