Ընկել ենք սենսացիայի հետեւից

30 տարվա փորձ ունեցող գինեկոլոգի վրա ցեխ են շպրտում, ու  մեկը մի բերան չի հարցնում այդ կնոջը, թե դու էլ պատմի` ինչն ինչպես է եղել:

«Չենք լռելու» անհայտ ծագման նախաձեռնությունն օրեր առաջ մեծ աղմուկ բարձրացրեց, թե Վայքի քաղաքային հիվանդանոցի ծննդաբերական բաժանմունքի վարիչ Մետաքսյա Հովհաննիսյանի մեղքով երեխան ծնվելուց հետո մահացել է: Պատճառը եղել է այն, թե իբր նա բժիշկներին հորդորել է հետաձգել ծնունդը, մինչեւ ինքն իր բուրդը չփխի, վերջացնի:

Ինֆորմացիոն այս բումը կուլ տվեցին բոլոր լրատվամիջոցները, ցավոք, մենք էլ: Աղմուկ բարձրացավ, գինեկոլոգին հազար ու մի պիտակավորում տվեցին: Սակայն պարզվեց, որ «բուրդ չփխելու» այդ ողջ պատմությունն իրականությանը չի համապատասխանում: Գինեկոլոգը երդվում է, թե կյանքում ճիպոտ էլ չի բռնել:

Մինչեւ ողջ երկրով մեկին մարդասպանության մեջ մեղադրելը պարզապես կարելի է նախ նրան էլ լսել, հետո սպասել հետաքննության արդյունքներին, դատարանի որոշմանը: Մարդկանց ճակատագիրը համարժեք չէ սկանդալների միջոցով ռեյտինգ ապահովելուն:

Ավելի մանրամասն` այստեղ: