Եթե վարչապետը ցանկանա, մեկ ժամում կգտնի երեխայիս ոճրագործին. 14-ամյա Բերքինի հոր կոչը՝ Էրդողանին

Ըստ Taraf-ի՝ Գեզի այգու 14-ամյա զոհ Բերքին Էլվանի հայրը դիմել է վարչապետ Ռեջեփ Թայիփ Էրդողանին:

«Իմ տան դիմաց կոշիկի տուփ թող դնեն: Բերքինի գրպանի փողը ամեն առավոտ այդ տուփի մեջ եմ գցելու: Գուցե այդ ժամանակ կգտնեն, կբերեն Բերքինի ոճրագործին: Ամեն ինչ պարզ է, բայց 9 ամիս է անցել՝ դեռ ոչ մի հանցավոր չկա: Կոչ եմ անում այդ վարչապետին` եթե ցանկանա, երեխայիս ոճրագործին մեկ ժամում կգտնի: Նա էր հրահանգել ոստիկաններին: Ասել էր՝ իմ ոստիկանները էպոս գրեցին: Նույնիսկ չցավակցեց: Եթե խիղճ ունի, երեխայիս ոճրագործին թող բացահայտի»,- ասել է նա:

Նշենք, որ դեկտեմբերի 17-ի հակակառուպցիոն գործողության ժամանակ ոստիկանները նախարարների որդիների տներում կոշիկի տուփերի մեջ պահված գումարներ էին հայտնաբերել: