Ռոմիկ Մկրտումյանի գլխին կուտակված սև ամպերը չեն ցրվում

««Չորրորդ Ինքնիշխանության» տեղեկություններով` ՀՀ ոստիկանության պետական պահպանության գլխավոր վարչության պետ Ռոմա (Ռոմիկ) Մկրտումյանի գլխին կուտակված սև ամպերը չեն ցրվում։ (Թեև մամուլում հրապարակումներ եղան, որ ՀՀ ոստիկանապետ Վլադիմիր Գասպարյանը նրան ազատել է աշխատանքից, այնուամենայնիվ, նա շարունակեց մնալ իր պաշտոնում)։

«ՉԻ» աղբյուրների հաղորդմամբ՝ նա մի քանի անգամ իր աշխատանքով կորցրել է վստահությունը Վլադիմիր Գասպարյանի մոտ, ինչը ոստիկանապետը չի ներում։

Ի դեպ, նշում է թերթը, ս.թ. հունվարին, երբ ոստիկանությունը ամփոփում էր 2013 թ. գործունեության արդյունքները, ոստիկանապետը նկատողություն է հայտարարել նրան և նշել է վերջնաժամկետ՝ աշխատանքներում տեղ գտած բացթողումներն ու թերությունները շտկելու համար։

«ՉԻ» տեղեկություններով՝ ոստիկանության գնդապետ Ռոմիկն իր գործունեության ընթացքում այնպես է հասցրել հարստանալ, որ նրա հղփացած կերպարը նկատել է ղեկավարությունը։ Հիմա Ռոմիկ Մկրտումյանը կանգնած է ոչ միայն պաշտոնը կորցնելու վտանգի առջև։ Նրան խիստ պատիժներ են սպասվում։

Մանրամասները՝ թերթի այսօրվա համարում։