Զուրաբ Ժվանիան սպանվել է Սահակաշվիլիի աչքի առաջ. ԶԼՄ

Վրացական ԶԼՄ-ները գրում են, որ 2005-ի փետրվարին Վրաստանի նախկին վարչապետ Զուրաբ Ժվանիայի մահվան հանգամանքների նոր հետաքննությունն ավարտվել է:

Ըստ ԶԼՄ-ների՝ վրացական դատախազությունը, սակայն,  չի շտապում մանրամասներ հրապարակել,  քանի որ բացահայտվել է նախկին նախագահ Միխեիլ Սահակաշվիլիի անմիջական մասնակցությունը Ժվանիայի սպանությանը. գրում է Интерфакс-ը՝ Асавал-дасавали վրացական թերթին հղումով:

Ըստ թերթի՝  Ժվանիան սպանվել է Շավնաբադա նախագահական նստավայրում` Սահակաշվիլիի և  ՆԳՆ նախկին ղեկավար Վանո Մերաբիշվիլիի ներկայությամբ: Ապա նրա մարմինը հեռուստացույցի արկղի մեջ տեղափոխել են Թբիլիսիի կոնսպիրատիվ բնակարան, որտեղ  բեմադրվել է  նրա մահը գազային թունավորումից: Ըստ աղբյուրի` գոյություն ունի ձայնագրություն, որում Սահակաշվիլին ասում է. «Վերցրու մարմինը և արա՝ ինչպես պայմանավորվել էինք»: