Հանրությունը շուտով կիմանա, թե ով է սպանել Զուրաբ Ժվանիային

Հանրությունը շուտով կիմանա, թե ով է սպանել Վրաստանի նախկին վարչապետ Զուրաբ Ժվանիային. ըստ Новости-Грузия-ի` հայտարարել է երկրի գլխավոր դատախազ Արչիլ Կբիլաշվիլին:

«Հետաքննությունը փակուղում չէ, ընդհակառակը` առաջ է շարժվում: Դա նշանակում է, որ ճշգրտորեն պարզվում է այն, ինչ տեղի է ունեցել իրականում: Դուք շուտով հստակ պատասխան կստանաք` սպանությո՞ւն էր դա, թե՞ դժբախտ պատահար»,- ասել է նա Все новости թերթին տված հարցազրույցում:

2005 թվականի փետրվարի 3-ին Զուրաբ Ժվանիային մահացած էին գտել Թբիլիսիում` Քվեմո Քարթլիի նահանգապետ Ռաուլ Յուսուպովի հետ: Այն ժամանակ անցկացված հետաքննության վարկածով` մահվան պատճառը դժբախտ պատահարն էր. ասվում էր, որ քաղաքական գործիչները թունավորվել են շմոլ գազից: Սակայն ընդդիմադիրները եւ իրավապաշտպանները, նաեւ Ժվանիայյի ընտանիքը չեն հավատում պաշոտնական վարկածին. նրանք համարում են, որ վարչապետին սպանել են: