Ու՞ր են ձեր ուսերը, բերե’ք այստեղ. Հեղինե Բիշարյանը` կուսակիցներին

Այսօր ՕԵԿ կուսակցության փոխնախագահ Հեղինե Բիշարյանը կուսակցության շենքի բակում աչքի է ընկել իր ագրեսիվ պահվածքով: Նա անհարգալից վերաբերմունք է դրսևորել yerkir.am-ի լրագրողի նկատմամբ:

Նշենք, որ այսօր առավոտյան Ագրարային համալսարանի ներկայացուցիչները հանդիպել են ՕԵԿ խմբակցության փոխնախագահ Հեղինե Բիշարյանի հետ, որպեսզի քննարկեն բուհի և կուսակցության միջև առկա տարածքային վեճը:

Հիշեցնենք, որ Ագրարային համալսարանն ՕԵԿ-ին մեղադրում է իր տարածքում ապօրինի շինարարություն կատարելու մեջ, իսկ ՕԵԿ-ը պնդում է հակառակը:

Եվ ահա, երբ մեր լրագրողը փորձել է մոտենալ ՕԵԿ-ի բակում իր կուսակիցների հետ կանգնած Հեղինե Բիշարյանին` ճշտելու թե ինչ արդյունք տվեցին բանակցությունները, արժանացել է նրա հանդիմանությանը: «Էս ո՞վ ա էս աղջիկը, որ նկարում ա, ո՞վ ես»,- անհարգալից տոնով մոտենալով մեր լրագրողին հետաքրքրվել է Բիշարյանը, իսկ հետո լսելով մեր լրատվամիջոցի անունը բռնել մեր լրագրողի ձեռքից և ասել.

«Yerkir.am, ուրեմն դու ինձ հարց չես տալիս, կամեռադ էլ քեզ պահի»: Այնուհետև արդարացնելով իր պահվածքը նշեց, որ մեր կայքում իր նկարները կան, դրա համար չի ցանկանում իրեն լուսանկարեն, բայց փոխարենը նշեց, որ դեմ չէ, որ իրեն տեսանկարահանեն:

Մեզ հետ զրույցում, երբ Բիշարյանը դժգոհում էր բուհի անձնակազմի երեկվա դրսևորած պահվածքից, մասնավորապես այն հանգամանքից, որ քիչ էր մնում մնար ցանկապատի տակ, հետաքրքրվեցինք, թե ինչո՞ւ է վեճը հարթելու խնդիրն ամբողջությամբ վերցրել իր ուսերին:

«Իսկ ո՞վ ասաց իմ ուսերին է»,-ասաց նա, ապա դիմելով կուսակիցներին` հավելեց. Մհեր Շահգելդյա~ն, Իշխան Խաչատրյա~ն, ու՞ր են ձեր ուսերը, բերե’ք այստեղ և ընհանրապես «Օրինաց երկիր» կուսակցության բոլոր տղամարդկանց ուսերն այստեղ են , այնպես որ»:

Մանրամասները` yerkir.am-ի տեսանյութում: