Իրավական սկզբունքայնության ծիլը պետք է փայփայել. Հ. Բագրատյան

ԱԺ պատգամավոր, նախկին վարչապետ  Հրանտ Բագրատյանն, անդրադառնալով այն հարցին, որ Սահմանադրական դատարանն այսօր ժամանակավորապես կասեցրեց պարտադիր կուտակային կենսաթոշակային համակարգի ներդրման մասին օրենքի կիրառումը, Facebook-ի  իր էջում հերթական գրառումն է արել.

«Քիչ առաջ մամուլից իմացա, ՍԴ կասեցրել է կուտակային կենսաթոշակային համակարգի կիրարկումը մինչև մարտ ամիս։ Մասնավորապես կասեցվել է օրենքի 2 հոդվածների գործողությունը։ Սա փոքրիկ հաջողություն է։ 2012թ. սեպտեմբերից ԱԺ-ում պայքարել եմ, իմ համոզմամբ, այդ անհեթեթ բարեփոխման դեմ։ Պայքարին են միացել մի շարք ազնիվ պատգնմավորներ, խմբակցություններ։ Ավելի ուշ այն դարձավ քաղաքացիական ակտիվիստների հրաշալի բանակի պայքարի թիրախը։ Չգիտեմ՝ վերջն ինչ է լինելու, բայց ՍԴ-ի այս իրավական սկզբունքայնության ծիլը պետք է փայփայել»: