Սահակաշվիլին երիտասարդացել է պետության հաշվին

«Իմեդի» հեռուստաընկերությունը հրապարակել է նոր փաստաթղթեր պետական միջոցների հաշվին Վրաստանի նախագահի ոչ նպատակային ծախսերի մասին: Դրանց համաձայն` Սահակաշվիլին Նյու Յորքի հիվանդանոցներից մեկում բոտոքսի երկու վիրահատություն է կատարել` մեկը` 2009-ի փետրվարի 23-ին` վճարելով 5600 դոլար, մյուսը` 2011-ի սեպտեմբերի 23-ին, որը պետության վրա նստել է 5800 դոլար:

«Գաղտնի» մակագրությամբ փաստաթղթերում նաեւ նշվում է, որ Սահակաշվիլին 5993 ֆունտ ստերլինգով գնել է ամերիկացի մի դերասանուհու մերկ նկարը, «Ռեդիսոն» հյուրանոցում վճարել է ամերիկացի գործարար Քրիստինա Վուսավի վարձը, նաեւ բոթասներ է գնել նրա համար: Այդ ծախսերի ընդհանուր գումարը կազմել է 6668 լարի:

Վրաստանի գլխավոր դատախազության մամուլի քարտուղարը հայտնել է, որ այդ գործով հետաքննություն է ընթանում, եւ բացառված չէ, որ Սահակաշվիլին հարցաքննության կանչվի. տեղեկացնում է Тбилисская неделя թերթը: