Պետք է խմբեր կազմել ու ուղարկել Տավուշ. Մանվել Եղիազարյան

«Արաբո» ջոկատի հրամանատար Մանվել Եղիազարյանին մտագոհում է այն, ինչ կատարվում Տավուշի մարզի սահմանամերձ բնակավայրերում: Եղիազարյանը լրագրողներին այսօր ասաց, որ ժողովուրդն անհայտության մեջ է, չգիտենք` ինչ է կատարվում Տավուշում:

«Գյուղապետն ասում է` ամեն ինչ կարգին է, գյուղացիներն ասում են` կրակում են: Չգիտենք` ի՞նչ անենք, ինչո՞վ օգնենք: Կարծում եմ` պետք է խմբեր կազմել եւ Տավուշ ուղարկել, որ գյուղացիներին եւ զինվորներին ոգեւորեն: Խմբերը պետք է միանան սահմանը պահող տղերքին, նրանց հետ կռիվ տան: Մեր սվինը պետք է ուղղված լինի հակառակորդի սրտին: Բնակիչներին պետք է ոգեշնչել, մարտական ոգի տալ, քանի որ հայ տղամարդն ի ծնե զինվոր է»,- ասաց Եղիազարյանը: