Կուզեի Կարեն Պետրոսյանին սպանող գեներալին հանդիպել մարտի դաշտում. Մանվել Եղիազարյան

Սպանել բոլորս էլ կարող ենք, Ադրբեջանը Կարեն Պետրոսյանին սպանելով փաստեց, որ մնում է քնածին կացնահարողը, գյուղացուն սպանողը. լրագրողների հետ հանդիպմանը նման կարծիք հայտնեց «Արաբո» ջոկատի հրամանատար Մանվել Եղիազարյանը:

Նա նշեց նաև, որ Կարենի սպանությամբ Ալիևի բանդան ուզում է ցույց տալ, որ իրենք են իրավիճակի տերը:

«Կուզեի Կարենին ստորացնող ու սպանող գեներալին հանդիպել մարտի դաշտում: Մենք էլ ենք գերիներ ունեցել, բայց մենք գերիների հետ նման կերպ չէինք վարվում, չէինք ստորացնում: Գյուղացուն ծնկի բերելը վախկոտության նշան է, իրեն ու իր կոչումը հարգող զինվորականը նման բան չէր անի»,-ասաց Եղիազարյանը` հավելելով, թե այսքանից հետո մենք ինչպես կարող ենք Ղարաբաղն ու տեղի ժողովրդին վստահել Ադրբեջանին: