Երևանի ու Բաքվի փոխարեն մենք ԼՂ հարցը չենք լուծի. Լավրով

Վիեննայում ՀՀ և Ադրբեջանի նախագահներ Սերժ Սարգսյանի և Իլհամ Ալիևի միջև կայացած հանդիպումը հույս է ներշնչում, սակայն ամենակաևորը կախված է հակամարտող կողմերից: Այս մասին ասել է  ՌԴ ԱԳՆ ղեկավար Սերգեյ Լավրովը մամուլի ասուլիսի ժամանակ. հայտնում է РИА Новости-ն:

«Ռուսաստանը, ինչպես ԵԱՀԿ Մինսկի խմբի այլ համանախագահ երկրները,  պատրաստ է նոր առաջարկներ ներկայացնել Ղարաբաղյան հակամարտության կարգավորման համար: Մենք պատրաստ ենք աջակցել այդ հարցի լուծմանը,  սակայն  Երևանի ու Բաքվի փոխարեն մենք այդ աշխատանքը չենք կատարի», - ասել է Լավրովը:

Նա նաև չի հաստատել, թե Հայաստանում Ռուսաստանի դեսպանատանը ԼՂՀ-ի ներկայացուցչություն կա։ Սակայն նշել է, որ Վիեննայի կոնվենցիաներին պետք է հետևեն բոլորը: