Նիկոլ Փաշինյանը` Քոչարյանի գրասենյակի վերջին արձագանքի մասին

Մարդկանց հոսքը դեպի Ազատության հրապարակ չի դադարում:

Քիչ առաջ լրագրողները խնդրեցին հանրահավաքին մասնակցող ՀԱԿ պատգամավոր Նիկոլ Փաշինյանին մեկնաբանել ՀՀ երկրորդ նախագահ Ռոբերտ Քոչարյանի գրասենյակի ղեկավար Վիկտոր Սողոմոնյանի արձագանքը ՀՀ աշխատանքի եւ սոցիալական հարցերի նախարար Արտեմ Ասատրյանի հարցազրույցին:

«Ի՞նչ է նշանակում ՀՀ երկրորդ նախագահ: ՀՀ-ն չի’ ունեցել ո’չ երկրորդ, ո’չ երրորդ նախագահ: Եթե նկատի ունեք մարտի 1-ի պոտենցիալ ղեկավորներին, ուրիշ հարց: Ինձ համար կատարելապես անընդունելի է այդ արտահայտությունների կիրառումը: Քաղաքական «ռազբորկաներին» կնախընտրեի քաղաքական գնահատական չտալ»,- պատասխանեց պատգամավորը:

Այս պահին ելույթ են ունենում «Դեմ եմ» նախաձեռնության անդամները, իսկ հանրահավաքի մասնակիցները վանկարկում են` «Կասեցում», «Հաղթանակ»: