Օլանդը սիրուհու համար բնակարան է վարձել Ելիսեյան պալատի մոտ

Closer ամսագիրը նոր մանրամասներ է հրապարակել Ֆրանսիայի նախագահ Ֆրանսուա Օլանդի և ֆրանսիացի դերասանուհի Ժյուլի Գայեի սիրավեպի մասին. հայտնում է Вести.ру-ն:

«Ամեն ինչ սկսվել է 2011-ին:  59-ամյա նախագահը հատուկ` դերասանուհու հետ հանդիպումների համար Ելիսեյան պալատի մոտ բնակարան է վարձել` պալատից ընդամենը 100 մետր հեռու: Բնակարանը պատկանել է Օլանդի սիրուհու ընկերուհուն»,- գրում է ամսագիրը:

Իր անձնական կյանքին միջամտությունը 41-ամյա  դերասանուհի Ժյուլի Գայեն գնահատել է 54 հազար եվրո. այդքան է հայցի արժեքը, որը նա դատական կարգով պահանջում է Closer ամսագրից:

Նշենք, որ նաև լուրեր են պտտվում, որ Գայեն հնարավոր է  երեխա է սպասում Օլանդից: