Մերաբիշվիլին լավ նստած է և դեռ պետք է լավ նստի. Վրաստանի վարչապետ

Ոչ ոքի պետք չէր առևանգել Մերաբիշվիլիին. ասել է Վրաստանի վարչապետ Իրակլի Ղարիբաշվիլին՝ լրագրողների հետ հանդիպման ժամանակ. հայտնում է argumenti.ru-ն:

«Նա լավ նստած է և դեռ պետք է լավ նստի»,- նշել է  նա՝ մեկնաբանելով նախկին վարչապետ Վանո Մերաբիշվիլիի հայտարարություններն այն մասին, թե իրեն առևանգել են բանտից:

Ըստ վարչապետի՝ դա շատ լավ կազմակերպված արշավ էր ընդդեմ նախկին դատախազ Օտար Պարցխալաձեի:

Մերաբիշվիլիի սենսացիոն հայտարարությունը արվել էր դեկտեմբերի վերջերին՝  դատական նիստի ընթացքում: Նա ասել էր, թե  իրեն գաղտնի դուրս են հանել բանտից, և ինքը դարձել է Վրաստանի գլխավոր դատախազի շանտաժի զոհը: