Հենրիկ Սիրավյանի գործերի ցուցադրությունը` Ազգային պատկերասրահում

Այսօր Հայաստանի ազգային պատկերասրահում տեղի կունենա գեղանկարիչ Հենրիկ Սիրավյանի ծննդյան 85-ամյա հոբելյանին նվիրված հուշ-ցերեկույթ: Միջոցառման շրջանակում կբացվի գեղանկարչի աշխատանքները ցուցահանդեսը, տեղի կունենա նաև «Սիրավ. Դու հավերժող իմ Հայաստան» տեսաֆիլմի պրեմիերան:

Գեղանկարիչը ստեղծագործել է տարբեր ժանրերում` տուրք տալով առավելապես հայրենի եզերքի բնապատկերներին: Սիրավյանի հաստոցային աշխատանքների ճնշող մեծամասնությունը գյուղական, ճարտարապետական, լիրիկական կտավներ են, իսկ մոնումենտալ, զուսպ բնանկարները` այլաբանորեն իմաստավորված թեմատիկ հորինվածքներ:

1977 թ. գեղանկարիչն արժանացել է Հայաստանի վաստակավոր նկարչի կոչման: