Ո՞վ է ԲՀԿ-ի` վարչապետի պաշտոնի թեկնածուն

ԱԺ ԲՀԿ ական պատգամավոր Վահան Բաբայանն այսօր լրագրողների հետ հանդիպման ժամանակ հայտնրեց, որ այսօր խնդիրը ոչ թե կառավարության հրաժարականի պահանջն է, այլ կոնկրետ հարցերի վերաբերյալ կառավարության պատասխանատվության չափի հարցը:

«Եթե չես կարողանում խնդիր լուծել, նման դեպքերում պետք է հրաժարական տալ, որովհետև եթե չեն կարողանում բանակցել, չեն ապահովում տնտեսական աճ, ուրեմն` այո, պետք է պահանջենք կառավարության հրաժարականը»,- ասաց պատգամավորը` հավելելով, որ կառավարությունը բազմաթիվ պատճառներ ունի` հրաժարական տալու` աշխատատեղերի պակաս, չարաբաստիկ բարեփոխումներ, արտագաղթ, տնտեսական աճ չապահովել և  այլն:

Պատգամավորը պնդում է` այս կառավարությունն արդեն հարյուր անգամ պետք է հրաժարական տված լիներ, միաժամանակ` հավելում, որ ԲՀԿ-ն անձերի խնդիր չի դնում: Պատասխանելով Yerkir.am-ի հարցին` ո՞ւմ է տեսնում ԲՀԿ-ն վարչապետի պաշտոնում, պատգամավորը պատասխանեց. «Գաղտնիք է»: