Արտահերթ նիստում քննարկվելու է գազի հարցը

Ավելի վաղ  Yerkir.am-ը հայտնել էր, որ դեկտեմբերի 20-ին կառավարության առաջարկով ԱԺ-ում հրավիրվում է արտահերթ նիստ: Այդ մասին հայտնել էր ԱԺ ՀՀԿ խմբակցության ղեկավար Գալուստ Սահակյանը:

Yerkir.am-ի տեղեկություններով` արտահերթ նիստում քննարկվելու են գազի գնին առնչվող հարցեր:

Նշենք, որ այսօր ԱԺ-ում ընթանալու են լսումներ ՀՀ ԱԺ արտաքին հարաբերությունների հանձնաժողովի մասնակցությամբ, որի ընթացքում քննարկվելու են ՀՀ կառավարության և ՌԴ կառավարության միջև ՀՀ գազի, նավթամթերքների և չմշակված բնական ալմաստների առաքման ոլորտում համագործակցության, գազի առաքման ժամանակ գների ձևավորման, ինչպես նաև «Հայռուսգազարդ» ՓԲԸ-ի բաժնետոմսերի առքուվաճառքի մասին հարցերը: