Շանթը գիժ չէ, խենթ է. ակտիվիստ

«Աջակցություն Շանթ Հարությունյանին» նախաձեռնող խմբի անդամ Վարդան Հարությունյանի տեղեկություններով` Շանթ Հարությունյանին այսօր տեղափոխելու են Նորքի հոգեբուժարան, որտեղ, ըստ նրա, սովորաբար ծայրահեղ ծանր հիվանդներին են տանում: «Դուրս է գալիս, որ մարդուն ինադու տանում են գժվացնելու, հոգեմետ դեղեր ներարկելու»,- ասաց ակտիվիստը:

Նշենք, որ այսօր նախաձեռնող խմբի մի խումբ ներկայացուցիչներ բողոքի ակցիա էին կազմակերպել ՀՀ Ազգային անվտանգության ծառայության շենքի առջև: Նրանք մտահոգված են, որ մինչ օրս Շանթ Հարությունյանին ծեծի ենթարկելու վերաբերյալ`  Նիկոլ Փաշինյանի հաղորդման հիման վրա ՀՔԾ-ում գործ չի հարուցվել, բացի այդ`  Շանթի վերաբերյալ որևէ տեղեկություն չի տրամադրվում:

Վարդան Հարությունյանը նաև տեղեկացրեց, որ իրենք հորդորել են Շանթի տղային` Շահեն Հարությունյանին, ակցիաների պատճառով դասերից չբացակայել: