Ուրախ եմ, որ Գյումրին ուշադրության կենտրոնում է. Յուրի Վարդանյան

Գյումրին հռչակվել է 2013թ. ԱՊՀ մշակութային մայրաքաղաք: ԱՊՀ Հումանիտար համագործակցության միջպետական հիմնադրամի պատվիրակությունը ժամանել է Հայաստան` ՀՀ մշակույթի նախարարության եւ Գյումրու քաղաքապետարանի հետ տոնական միջոցառումների ցանկը հստակեցնելու համար:

Սերժ Սարգսյանի խորհրդական, ծանրամարտի աշխարհի չեմպիոն Յուրի Վարդանյանը yerkir.am-ի հետ զրույցում նշեց, թե որպես գյումրեցի` շատ հպարտ է, որ քաղաքը մշակութային կենտրոն է դարձել: Ըստ նրա` հռչակավոր մարդկանց այցերը Գյումրի, ինչպես նաեւ նախատեսված ծրագրերը կնպաստեն Գյումրու մշակութային կյանքի ակտիվացմանը:

«Գյուրմին հարուստ մշակույթ եւ մշակութային կենտրոններ ուներ, որոնց մի մասը երկրաշարժի ժամանակ փլուզվեց: Չնայած փորձեցինք արագ վերականգնել դրանք, բայց երկրաշարժն իրենն արեց: Սակայն վերջին տարիներին մշակութային կյանքում մեծ շարժ կա»,- ասաց Վարդանյանը:

Ի դեպ, տարվա ընթացքում կանցկացվեն նաեւ մի շարք մարզական միջոցառումներ, որոնք Գյումրու քաղաքապետն ու Յուրի Վարդանյանը միասին կծրագրեն: Վերջինս հույս ունի, որ տարվա ընթացքում նաեւ Գյումրու մարզադպրոցներն եւ դահլիճները կարգի կբերվեն, քանի որ դրանք շատ վատ վիճակում են:

Մանրամասները` տեսանյութում: