Ուրախ եմ, քանի որ ստեղծագործական կյանքով եմ ապրելու. Ռոբերտ Ամիրխանյան

Արդեն տեղեկացրել ենք, որ երեկ Կոմպոզիտորների միության նախագահ ընտրվեց կոմպոզիտոր Արամ Սաթյանը:

Ընտրությունների արդյունքների ամփոփումից հետո Արամ Սաթյանին մոտեցավ Ռոբերտ Ամիրխանյանը, սեղմեց նրա ձեռքը եւ շնորհավորեց նրան: Ամիրխանյանը նշեց, որ չի նախանձում Սաթյանին, քանի որ նրան հեշտ գործ չի սպասվում:

«Շնորհավորում եմ: Ես քեզ ասում էի` Արի'կ, քանի որ մենք ընկերներ ենք, պետք չէ նեղանալ: Հսկայական ծանրություն եւ պատասխանատվություն կա քեզ վրա: Ես պատրաստ եմ քեզ օգնել, քանի որ մեզ համար կարեւորն ամբիցիան չէ, այլ մեր միության խնդիրները»,- ասաց Ամիրխանյանը` հավելելով, որ, իր կարծիքով, Սաթյանը կկարողանա պահել միությունը: 

«Ես նեգատիվ ոչինչ չունեմ նրա հանդեպ: Ուրախ եմ, քանի որ սկսելու եմ միայն ստեղծագործական կյանքով ապրել»,- նշեց նա: