Հնարավոր է` նախագահին այսօր չընտրեն. Ռոբերտ Ամիրխանյան

Քիչ անց կսկսվի Կոմպոզիտորների միության համագումարը:

Ռոբերտ Ամիրխանյանը լրագրողների հետ զրույցում հայտարարել է, որ հնարավոր է` այսօր միություն նախագահ չընտրվի:

«Կլինի համերգ, համերգից հետո կլինեն ելույթներ, քննարկումներ, եւ եթե ժամանակը բավականացնի, ու բոլորը ստանան իրենց հարցերի պատախանները, կլինի նաեւ ընտրություն, հակառակ դեպքում` այն ստիպված ենք տեղափոխել վաղը»,- ասել է նա:

Հիշեցնենք, որ միության նախագահի թեկնածուները երկուսն են` Ռոբերտ Ամիրխանյանը եւ Արամ Սաթյանը:

Վերջինս Yerkir.am-ի թղթակցի հետ զրույցում նշել է, որ դժվար է խոսել ակնկալիքների մասին, քանի որ, կարծես, համագումարը վերածվում է շոուի: «Արդյոք տարօրինակ չէ՞, որ կոմպոզիտորների միության շարքերը վերջին մի քանի օրերին համալրվել են, ու Ամիրխանյանը կարծես թե անում է ամեն ինչ` համագումարը տապալելու համար»,- ասել է նա: