Արագածոտնի մարզպետը Անկախության օրը տեղափոխել է

Հայաստանի երեք` Արագածոտնի, Կոտայքի եւ Տավուշի մարզպետերի պաշտոնանկության մասին խոսակցությունները չեն դադարում: Ուշագրավ է, որ այս խոսակցություններն ամենածանր տանողը Արագածոտնի մարզպետ Սարգիս Սահակյանն է: Վերջինս, ըստ էության, ամենակառչածն է մարզպետի աթոռից եւ դժվար է պատկերացնում իր կյանքն առանց դրա:

Մարզում թագավորություն հաստատած մարզպետը վերջերս մի զավեշտալի պատմության հեղինակ է դարձել:

Մարզի բնակիչներից մեկը Yerkir.am-ի թղթակցին պատմեց, որ մարզպետն Անկախության օրը սեպտեմբերի 21-ից տեղափոխել է սեպտեմբերի 22-ը: Պատճառը մոր մահվան տարելիցն է եղել: Այսպիսով` մինչ ողջ հայությունը ՀՀ անկախության օրը նշում էր սեպտեմբերի 21-ին, Արագածոտնի մարզում տոնական ընդունելությունները կազմակերպվել է սեպտեմբերի 22-ին: