ՀԵՏՔ-ի նոր բացահայտումը

Հայաստան ձկան կեր ներկրող 32 տնտեսվարող սուբյեկտ կա, սակայն  շուկայում գերիշխողը երկուսն են: Նրանց հետևում բարձրաստիճան պաշտոնյաներ են կագնած:

«Սագատի» և «Սագատի Ֆիշ» (նույ տնտեսվարող սուբյեկտն է` տարբեր կազմակերպություններով), ինչպես նաև «Մխչյան Ֆիշ Ֆուդ» ՍՊԸ-ները գրավում են տվյալ շուկայի ավելի քան մեկ երկրորդը` 80 %-ը: 

«Մխչյան Ֆիշ Ֆուդ» ՍՊԸ-ի պաշտոնական բաժնետերը ՀՀ ԱԺ նախկին պատգամավոր Հենրիկ Աբրահամյանն է` ՀՀ Ազգային ժողովի նախագահ Հովիկ Աբրահամյանի եղբայրը: Ընկերությունը գրանցված է Աբրահամյանի ծննդավայր Մխչյան գյուղում: Սակայն ոլորտում բոլորը գիտեն, որ ընկերության հետևում կանգնած է Հովիկ Աբրահամյանը:

Հիշեցնենք, որ Հովիկ Աբրահամյանն ու իր խնամի Գագիկ Ծառուկյանը Արարատի մարզի Զորակ համայնքում խոշոր ձկնաբուծարան ունեն: Աբրահամյան եղբայրները ձկնաբուծարան ունեն նաև Մխչյան գյուղում, և ներկրած կերը բավարարում է ոչ միայն իրենց տնեսություններին, այլ նաև վաճառքի է հանվում:

««Սագատի» և «Սագատի Ֆիշ» ՍՊԸ-ները նույն հիմնադիրներն ունեն` Տարիել Բարսեղյան, Գարիկ Սլոյան և Ալվինա Գրիգորյանը: Այս եռյակի մասին արդեն գրել են, երբ անդրադարձել էինք նրանց ձկնաբուծական տնտեսությանը: Նրանք մեկ այլ` «ՋԻՏԻԷՍ-ԻՄՄՕ» ՍՊԸ-ով, որտեղ հավասար բաժնեմասեր ունեին, գրանցել են իրենց ձկնաբուծարանը:

Հետաքննական հոդվածը ամբողջովին կարող եք կարդալ այստեղ