Երաժշտությունը քաղաքին հոգի է տալիս. Գոռ Սուջյան

Երեկ Արամ Խաչատրյանի անվան համերգասրահում ռոք երաժշտության երեկո էր. «Երաժշտական շաբաթ Երեւանում» փառատոնի շրջանակներում տեղի ունեցավ «Դորիանս» ռոք խմբի համերգը:

Համերգի ընթացքում հնչեցին ինչպես հին ու սիրված, այնպես էլ խմբի վերջին երգերը: Ավելին` տեղի ունեցավ երգի պրեմիերա` «Կենտավրոսի հմայքը»:

Yerkir.am-ի հետ զրույցում խմբի մենակատար Գոռ Սուջյանը նշեց, որ ողջունելի է նման փառատոների կազմակերպումը, քանի որ քաղաքին երաժշտությունը հոգի է տալիս: «Կապ չունի` ռոք, թե` մեկ ուրիշ ժանրում են համերգներ տեղի ունենում: Երաժշտությունը մաքրում է քաղաքը, այն շատ է պետք մեր քաղաքին, քանի որ մարդիկ հիմա քիչ են ժպտում, շատ են մտահոգ եւ ներվային, երաժշտությունն օգտակար դեղամիջոց է»,- նշեց նա:

Համերգի ժամանակ հնչած երգերից երկուսը կարող եք վայելել yerkir.am-ի տեսանյութում: