Եթե տրանսպորտի թանկացումը ″կուտ″ է, քաղաքական դաշտում ցունամի է սպասվում

Ամբողջ աշխարհում թանկացումներ են լինում, բայց ոչ այսպես անխիղճ. այսօր լրագրողների հետ զրույցում, անդրադառնալով շրջանառվող խոսակցություններին, թե տրանսպորտը կրկին փորձելու են թանկացնել, նշեց սիրված դերասան Վարդան Պետրոսյանը:

Ըստ նրա` Հայաստանում անմարդկային թանկացումների շղթա է սկսվել, եւ իշխանությունը քերթում է ժողովրդի քաշին` մտնելով թոշակառուների գրպանը:

«Իսկ գիտե՞ք` ինչ է նշանակում մտնել թոշակառուի գրպանը, դա նշանակում է նրան անամոթաբար դատապարտել անշարժության: Իսկ եթե սա հերթական «կտերն» են, որ ցանկանում են այս կերպ շեղել ժողովրդի ուշադրությունը քաղաքական անցուդարձից, ուրեմն` քաղաքական ոլորտում ցունամի է լինելու: 250 դրամ անգամ ես չեմ կարող վճարել, ինչպե՞ս են այդքան վճարելու թոշակով ապրող պապիկներն ու տատիկները»,- ասաց դերասանը:

Նա նշեց նաեւ, որ տրանսպորտի թանկացման դեպքում անպայման միանալու է բողոքի ակցիա անողներին.«Իրենց գրասենյակներում նստած` շատերը չեն էլ տեսել, թե ինչ ոգեւորություն էր տիրում տրանսպորտի թանկացման դեմ պայքարի ժամանակ: Այդ երիտասարդներին տեսնելով` ուղղակի ապրելս գալիս է»:

Մանրամասները` տեսանյութում: