Ինչո՞ւ է Բեգլարյանն ասել` տրանսպորտի թանկացումը կլինի հօգուտ ժողովրդի

Տրանսպորտի ու կապի նախարար Գագիկ Բեգլարյանն այսօր լրագրողների հետ զրույցում մեկնաբանեց իր երեկվա հայտարարությունը, թե ինչու է ասել, որ տրանսպորտի թանկացումը կլինի հօգուտ ժողովրդի:

«Երբ լրագրողը ինձ հարց տվեց, որ հանձնաժողովում հայտարարել են, թե չորս անգամ թանկանալու են երթուղայինի գները, ես ասել եմ, որ դա հօգուտ ժողովրդի չէ, պետք է երկար աշխատենք, թանկացումը անենք մինիմալ, որ լինի հօգուտ ժողովրդի, քանի որ թանկացումը անխուսափելի է: Եթե մեկը հայտարարում է, որ թանկանալու է չորս անգամ, ապա դա ի վնաս ժողովրդի է, իսկ եթե նախարարությունը աշխատում է, որ թանկացումը հասցնի մինիմալի, դա հօգուտ ժողովրդի է»,- հայտարարեց Բեգլարյանը:

Ըստ հանրային ծառայությունները կարգավորող հանձնաժողովի` տրանսպորտը պետք է թանկանա 5-7 տոկոս, սակայն նախարարը նշեց, որ գազի վերջնական գնից հետո առանձին-առանձին կանդրադառնան երթուղիներին, կհաշվառեն նաեւ երթուղիների հեռավորությունը: