Հայաստանի ներկայացուցիչները պատվով են հանդես եկել Չակվիի նարդու մրցաշարում

Ավելի վաղ yerkir.am-ը տեղեկացրել էր «Vivaro»  բուքմեյքերական ընկերության կողմից հովանավորված` նարդու մրցաշարի մասին, որի Հայաստանյան եզրափակիչն անցկացվել էր «Կովկաս»  համալիրում:

Առաջնության 5 ուժեղագույնները պետք է մեկնեին Վրաստանի Չակվի քաղաք : Հայաստանի պատվիրակությունը պատվով է հանդես եկել մրցաշարում: Չակվի մեկնած 5 նարդիստներից 4-ը մրցանակային տեղեր են զբաղեցրել: Զույգերով մրցաշարում Գոռ Նիկողոսյանը եւ Արթուր Մուրադյանը զբաղեցրել են 3-րդ տեղը։ Հիմնական մրցաշարում 3-րդ տեղն է գրավել Վազգեն Մաթեւոսյանը, իսկ «Լա Շանս» մրցաշարի հաղթող է դարձել Աբրահամ Արշակյանը:

Չակվիի մրցաշարին մասնակցել են 100-ից ավելի մասնակիցներ 13 երկրներից:

Yerkir.am-ի հետ զրույցում մասնակիցները նշեցին, որ նարդին, այնուամենայնիվ, մտքի խաղ է: «Ճիշտ է նարդու մեջ բախտի` զառի գործոնն  էլ կա, բայց այն մտքի, հաշվարկի խաղ է: Փորձը նույնպես մեծ նշանակություն ունի: Մեր մրցակիցները տարվա մեջ միջազգային մոտ 20 մրցաշարի մասնակցում են, իսկ մենք` մեկ կամ երկու: Շնորհակալ ենք «Vivaro»  ընկերությանը մեզ այսպիսի հնարավորություն տալու համար»,- ասաց մասնակիցներից ամենափորձառուն` Վազգեն Մաթևոսյանը, ով միջազգային տարբեր մրցաշարերից շուրջ 13 գավաթ է նվաճել:

 «Լա Շանս» մրցաշարի հաղթող  Աբրահամ Արշակյանը, ով առաջին անգամ էր մասնակցում միջազգային մրցաշարի, ասաց, որ այսպիսի առաջնությունների ժամանակ պետք է հոգեբանորեն լավ պատրաստված լինել, քանի որ լարվածությունը գնալով մեծանում է:

«Ես չեմ ցանկանա նարդին համեմատել շախմատի հետ, քանի որ դրանք շատ տարբեր են, սակայն նարդիում էլ մտածելու, հաշվարկելու շատ բան կա: Յուրաքանչյուր քայլիցդ կարող է կախված լինել խաղի ելքը: Մեզանում տարածված է նարդին համարել բակային, ժամանցային խաղ-զբաղմունք, սակայն դա այդպես չէ: Իրականում այն ավելի լուրջ սպորտաձև է, քան թվում է»,- ասաց Գոռ Նիկողոսյանը, ով նույնպես առաջին անգամ էր մասնակցում միջազգային մրցաշարի: