Երկու ոսկե մեդալ` Ֆրանկոֆոնիայի 7-րդ մարզամշակութային խաղերում

Ֆրանսիայի Նիս քաղաքում սեպտեմբերի 7-ին մեկնարկած` Ֆրանկոֆոնիայի միջազգային 7-րդ խաղերին Հայաստանի մարզիկներն արձանագրել են առաջին նվաճումները:

Ինչպես yerkir.am-ին տեղեկացրին սպորտի և երիտասարդության հարցերի նախարարությունից, խաղերի առաջին իսկ օրը՝ սեպտեմբերի 8-ին, ազատ ոճի ըմբիշներ` 55 կգ քաշային  Օհան Գիքինյանը և   66 կգ քաշային Նարեկ Սիրունյանը  նվաճեցին ոսկե մեդալ:    

 Այսօր մրցապայքարի է դուրս եկել Հայաստանի հավաքականից 96 կգ քաշային ըմբշամարտիկ Վիկտոր Կազաշվիլին:

Ֆրանկոֆոնիայի մարզամշակութային նախորդ խաղերը անցկացվել են Լիբանանում, և այն ժամանակ Հայաստանն ԱՊՀ երկրներից միակ մասնակիցն էր: Ի դեպ, մեր առաջին մասնակցությունն այն ժամանակ նշանավորվեց արծաթե և բրոնզե 3 մեդալներով ու անվանական մրցանակային տեղերի նվաճումով, ինչպես նաև լավագույն մասնակցության համար արժանացանք կազմկոմիտեի հատուկ մրցանակին: