Փոխարժեքներ
22 10 2024
|
||
---|---|---|
USD | ⚊ | $ 387.16 |
EUR | ⚊ | € 419.99 |
RUB | ⚊ | ₽ 4.03 |
GBP | ⚊ | £ 504.2 |
GEL | ⚊ | ₾ 142.18 |
Ծանրամարտի Հայաստանի տղամարդկանց հավաքականի անդամ, աշխարհի առաջնության փոքր բրոնզե մեդալակիր Անդրանիկ Կարապետյանը գոհ է՝ աշխարհի առաջնությունում իր բարձրացրած կիլոգրամներից:
«Առաջին անգամ էի մասնակցում մեծահասակների աշխարհի առաջնությանը և մեծ տպավորություններ ունեմ: Գոհ եմ բարձրացրածս կիլոգրամներից, մարզիչներից, բժշկից: Արդյունքներն ավելի բարձր էին, քան Եվրոպայի առաջնությունում էր, իմ հաջորդ քայլն արդեն Օլիմպիական խաղերում մեդալ նվաճելն է»,-ՀԱՕԿ պաշտոնական կայքի հետ զրույցում ասել է Կարապետյանը:
Անդրանիկ Կարապետյանն առաջին մոտեցման ժամանակ պոկեց 164 կգ: Հաջորդ մոտեցման ընթացում Կարապետյանը չկարողացավ բարձրացնել 167 կգ, սակայն երրորդ մոտեցման ժամանակ նա բարձրացրեց 167 կգ ծանրաձողը և նվաճեց փոքր բրոնզե մեդալ: Հրում վարժությունում հայ ծանրորդն առաջին մոտեցման ժամանակ չբարձրացրեց 191 կգ, սակայն երկրորդի ժամանակ կարողացավ գլխավերևում պահել ծանրաձողը: Երրորդ մոտեցման ժամանակ հրեց 196 կգ: Երկամարտի 363 կգ արդյունքով Անդրանիկ Կարապետյանը գրավեց 4-րդ հորիզոնականը: Նա միայն անձնական քաշով զիջեց բրոնզե մեդալ նվաճած, եգիպտացի Մահմուդ Մոհամեդ Իհաբին: Այս քաշային կարգում աշխարհի չեմպիոն դարձավ ղազախ Նիջադ Ռահիմվը, ով երկամարտում գրանցեց 372 կգ արդյունք: