Ըմբշամարտն ընդգրկվեց 2020թ. օլիմպիական խաղերի ծրագրում

Ըմբշամարտը, որը դուրս էր մնացել 2020թ. օլիմպիական խաղերի ծրագրից, վերականգնեց իր դիրքը:

Միջազգային օլիմպիական կոմիտեի 125-րդ նստաշրջանում քվեարկության դրված հավակնորդ երեք սպորտաձևերից ըմբշամարտը մեծ առավելությամբ ընդգրկվեց օ Օլիմպիական խաղերի ծրագրում: Ձայները բաշխվել են հետևյալ կերպ` ըմբշամարտ` 49 ձայն, բեյսբոլ-սոֆտբոլ՝ 24, սքվոշ՝ 22 ձայն:

Հաստատվել են 2020թ. ամառային օլիմպիական խաղերի 25 մարզաձևերը` աթլետիկա, ջրային մարզաձեւեր, ֆուտբոլ, բասկետբոլ, հանդբոլ, վոլեյբոլ, մականախաղ, բռնցքամարտ, ձյուդո, թաեքվոնդո, թիավարություն, բայդարկա եւ կանոե, հեծանվասպորտ, ձիասպորտ, սուսերամարտ, մարմնամարզություն, ծանրամարտ, ժամանակակից հնգամարտ, տրիատլոնը, բադմինտոնը, թենիս, սեղանի թենիս, հրաձգություն, նետաձգություն, առագաստանավային սպորտ: