Վենեսուելայի իշխանությունները հայտնել են Մադուրոյի դեմ պատրաստված մահափորձի մասին

Վենեսուելայի ԱԳՆ ղեկավար Ռոդրիգես Տորեսը հայտնել է երկրի ղեկավար Նիկոլաս Մադուրոյի դեմ պատրաստված մահափորձի մասին. հայտնում է Лента.ру-ն:

Ծրագրի համաձայն` նախագահին պետք է սպաներ դիպուկահարը, հետո նախատեսվել էր հարձակում իրականացնել երկրի կարևորագույն ռազմավարական օբյեկտների վրա: Նախարարի խոսքերով` մահափորձը պլանավորված էր իրականացնել հուլիսի 24-ին:

Ըստ ԱԳՆ ղեկավարի՝ մահափորձի նախապատրաստությունը սկսվել էր 2013-ի ապրիլին՝ նախագահական ընտրություններից առաջ։ Դավադրության մասնակիցների թվում Տորեսը նշել է Կոլումբիայի նախկին նախագահ Ալվարո Ուրիբեին, Հոնդուրասի նախկին նախագահ Ռոբերտո Միչելետիին, ինչպես նաև ԱՄՆ Կենտրոնական հետախուզական վարչության անհայտ աշխատակցի։