Ընդդիմությունը չի ընդունում Մադուրոյի հաղթանակը

Վենեսուելայում  ապրիլի 14-ին կայացած նախագահական ընտրություններում հաղթել է նախագահի լիազորությունների ժամանակավոր պաշտոնակատար Նիկոլաս Մադուրոն. հայտնում է Associated Press-ը:

ԿԸՀ-ի նախնական տվյալների համաձայն` Մադուրոյի օգտին քվեարկել է ընտրողների 51%-ը, իսկ ընդդիմության ներկայացուցիչ Էնրիկե Կապրիլեսի` 49%-ը:

Կապրիլեսը, սակայն, հրաժարվում է ընդունել ընտրությունների  արդյունքները: Ընդդիմության ներկայացուցիչը համարում է, որ ընտրությունների արդյունքները կեղծված են, իսկ «Վենեսուելայի այժմյան իշխանությունը ավելի քիչ լեգիտիմ է, քան Չավեսի օրոք»:

«Այսօր գլխավոր պարտվողը դու ես, ժողովուրդը քեզ չի սիրում»,- ասել է Կապրիլեսը`դիմելով Մադուրոյին: