Իրենց թեկնածուն եկավ. հանձնաժողովի անդամները ոգեւորված են

Պռոշյանում գյուղապետի ընտրություններ են: 26/2 ընտրատեղամասում քիչ առաջ ընտրելու էր եկել գյուղապետի հանրապետական թեկնածու Արթուր Մուրադյանը: Ուշագրավ է, որ նրա` ներս մտնելուն պես հանձնաժողովի անդամներ Անահիտ Հովհաննիսյանը, Վարսենիկ Դանիելյանը եւ Վալենտինա Միքայելյանը սկսեցին ծափահարել (լուսանկարում` նստածները):

Մեր հարցին, թե ինչո՞ւ ծափահարեցիք, հանձնաժողովի անդամները պատասխանեցին` «վայ, դե իմացանք, որ թեկնածուն է, ` կծափահարեինք: Հաջորդ հարցին` արդյո՞ք տեղյակ չեք, որ օրենքը չի արտոնում ծափահարել թեկնածուին, պատասխանեցին, թե ողջույնի արտահայտման մեջ վատ բան չկա:

Հանձնաժողովի քարտուղար Սամվել Հովհաննիսյանին հարցրինք,  թե այդ դեպքում ի՞նքը ինչու չծափահարեց, նա էլ պատասխանեց. «Իսկ ինչո՞ւ պիտի ծափահարեմ, բացի այդ` օրենքը արգելում է»: